Mətbəximizdəki möcüzə. Kələmin insan orqanizminə faydaları.

uz qabiqi
 

Havaların gah isti, gah soyuq olması, mövsüm dəyişikliyi, havadakı müsbət və mənfi ionların tarazlığının dəyişməsi orqanizmin maddələr mübadiləsinə müxtəlif şəkillərdə təsir edir. Sirr deyil ki, təbiətin bizə bəxş etdiyi qidalar məhsullarının tərkibi möcüzəvi təsirə malikdirlər. Bu qidaları qəbul etməklə uzun ömürlü yaşamın sirrini çözmüş olarsınız.

 

Bu məhsulların içində zəngin vitamin qaynağı olan, özünəməxsus dadı ilə seçilən kələm dünya və Azərbaycan mətbəxində sevilərək istifadə edilən tərəvəzlərdəndir. Kələmə gündəlik menyumuzda daha çox yer ayırmağımıza səbəb xüsusən orqanizmə qatdığı sonsuz faydalardır. Xaççiçəklilər fəsiləsinə məxsus olan kələmin sağlamlıq üçün ən əhəmiyyətli faydalarından biri onun güclü antioksidant qaynağı olmasındadır. Bildiyimiz kimi antioksidan xərçəng, ürək və bu qəbildən olan xəstəliklərin qarşısının alınmasında əhəmiyyətli rol oynayır. Eyni zamanda sağlamlıq üçün çox zərərli olan sərbəst radikalların orqanizmdən təmizlənməsini təmin edir.
 

c2
 

Gözlərə faydası

Zəngin beta-karoten qaynağı olan kələm yaş ötdükcə yaranan sarı nöqtə xəstəliyinin və gözdə kataraktın meydana gəlməsini ertələyən məhsul hesab edilir.
Artıq çəki ilə mübarizə

Artıq çəkidən əziyyət çəkib, pəhrizlərə müraciət etdiyimiz yaz aylarında kələm aşağı kalorili olması və tərkibindəki bol lif miqdarı gündəlik qida rasionuna əlavə edilməsi zəruri olan tərəvəzlərdən biridir. Kələmin hər bir növündə sellüloz var ki, bu da mədə həzmini yaxşılaşdıraraq orqanizmi şlaklardan təmizləyir və daha tez çəki atmanıza kömək edir.
 

c4
 

Dəri sağlamlığı və erkən yaşlanma

Kələm C vitamini, antosiyanin, kükürd və digər fərqli antioksidant kimi bir çox minerallarla zəngindir. Dəri qırışıqlıqlarının, rəng dəyişikliklərinin, ləkələrin və digər erkən yaşlanma əlamətlərinin yaranmasının qarşısını almaqla yanaşı, parlaq və məftunedici görünüş üçün kələm və bu qəbildən olan tərəvəzlərin daha çox istifadə edilməsi məsləhət olunur.

Kələm ilə detoks

Kələm revmatizm, artrit, böyrək daşı, dəri xəstəlikləri kimi problemlərə səbəb ola bilən zəhərli maddələrin təmizlənməsində faydalıdır. Tərkibində zəngin C vitamini və kükürd olduğu üçün orqanizm üçün detoks rolunu oynayır.

 

Hazırladı: Gülnaz Mustafayeva
 
 

Şərhlər

Menyu